Mae 'na lawer o sôn y dyddiau yma am gamerâu cyflymder a llawer o bobl wedi cael ei dal. Y rhan fwyaf ohonyn nhw ddim wedi bod yn gyrru yn wyllt dros y limit ond trosedd yw trosedd ac mae'r gosb yn llym. Mewn ychydig o flynyddoedd ni fydd llawer o geir ar y ffordd o gwbl, mi fydd pawb yn reidio beics, mi fyddan ni yn gwneud ein rhan i achub y byd rhag y nwyon ty-gwydr. Hefyd mi fydd pawb yn ofnadwy o ffit.

Ta waeth, digon o adael i fy nychymyg rhedeg i ffwrdd ac yn ôl at y pwynt. Mae 'na amgylchiadau lle mae'n anodd iawn i ganolbwyntio ar y spîdomityr a hefyd ar y lôn o'ch blaen a'r canlyniad yw bod rhai bobl yn cael ei dal lle nad oedd bwriad i or-yrru o gwbl.

Clywais i'r stori yma ychydig o ddyddiau yn ôl:-

Roedd dau ynad wedi cael eu dal yn or-yrru a gan eu bod nhw eisiau cadw y peth yn dawel ddaru nhw benderfynu clywed yr achosion yn breifat. Felly safodd yr un ynad o flaen y llall.

"Dach chi wedi cael eich dal yn or-yrru." Meddai'r ynad ar y fainc.

"Ydw, mae'n ddrwg gen i syr," meddai'r llall efo'i ben i lawr mewn cywilydd.

"Iawn, wel peidiwch â gwneud o eto. Diryw o £60 a thri phwynt ar eich trwydded"

"Diolch yn fawr syr."

Dyma nhw rwan yn newid lle a'r un sgwrs yn mynd ymlaen eto.

"Dach chi wedi cael eich dal yn or-yrru." Meddai'r ynad ar y fainc.

"Ydw, mae'n ddrwg gen i syr," meddai'r llall efo'i ben i lawr mewn cywilydd.

"Iawn, wel peidiwch â gwneud o eto. Diryw o £100 a chwe phwynt ar eich trwydded"

"Howld on," meddai'r llall, "tydi hyn ddim yn deg. Dim ond £60 a 3 phwynt nes i roi i chi!"

"Wel ia, dwi i'n gwybod ond mae 'na ormod o hyn yn mynd ymlaen y dyddiau yma - dyma'r ail achos o'r fath y bore 'ma!"