Mae eistedd yma yn paratoi Y Wennol yn deimlad rhyfedd iawn. Mae 'na erthyglau yn dw^ad i mewn, dwi i'n gweithio arnyn nhw i greu rhifyn o'r Wennol ac ar ddiwedd hyn i gyd dwi'n ei gyhoeddi i'r byd. Ond fedra i wneud hyn i gyd heb adael y ty^ a chyn i chi ddweud "Trist iawn, very sad" maen rhaid i mi ddweud dydw i ddim wrth gwrs. Y pwynt dwi i'n trio gwneud ydy does dim rhaid i mi boeni am faint o gopïau maen rhaid i mi argraffu, does dim rhaid i mi ei blygu a'i stwffio nhw mewn amlenni. Does dim rhaid i mi fynd i'r swyddfa bost. Mae tipyn bach fel rhoi neges mewn potel a'i taflu i'r môr - dydych chi ddim yn cael ateb yn syth. Dwi wedi cael ateb wrth gwrs, mae hen ffrindiau wedi bod yn gefnogol iawn efo erthyglau, ond, beth roeddwn i'n ysu amdano oedd cyfraniad o'r ochr arall i'r byd. Wel fedra nhw ddim dw^ad o le pellach na Canberra, Awstralia. Mae erthygl Allan Bailey yn y rhifyn yma. Os dach chi'n cofio roedd llythyr gan Allan yn y rhifyn diwethaf ac mae o wedi dweud ei fod wedi cael yr hyder i ysgrifennu'r erthygl ar ôl gweld ei lythyr ar y wê.
Wel rw^an, beth am y lleill ohonoch chi? Oes 'na gyfraniad ar y ffordd o'r Unol Daleithiau, Siapan, Canada, Sbaen, Norwy, Rwsia?

Mae'r mis diwethaf wedi bod yn brysur iawn rhwng un peth a'r llall. Roedd 'na ysgol penwythnos yng Ngregynog ar ddechrau'r mis ac wedyn roedd rhaid i mi fynd am benwythnos i Ddulyn (wel, doedd dim rhaid i mi fynd ond mae'n anodd iawn gwrthod gwahoddiad o benwythnos sydd yn cynnwys llawer fawr o Guiness a Jamiesons a cherddoriaeth Wyddelig. Yn anffodus roedd y penwythnos ar yr un amser â thaith cerdded Liz yn Llanfair Caereinion. Ddoe roeddwn i'n sefyll o flaen dosbarth o ddeunaw o ddysgwyr yn Llanfair ym Muallt ac arbennig o dda roedden nhw hefyd.

Ac mae rhywun yn dweud bod y Nadolig ar y ffordd. Brensiach annwyl mae'r flwyddyn bron drosodd. Ac mae hynny yn fy atgoffa i mi fydd yr ail fileniwm drosodd diwedd y mis yma (Rhagfyr 2000). Rhyfedd iawn sut roedd pawb yn dathlu ar ddiwedd y flwyddyn ddiwethaf!